Ukraina Prezidentiniñ Ofisinde mahsus vaziyetlerde habersiz ğayıp olğan şahıslarnıñ qorantalarınen körüşüv olıp keçti. Tedbir UPOniñ reisiniñ muavini İrına Vereşçuknıñ yolbaşçılığında keçti.

 

Qorçalayıcılarnıñ soy-soplarınıñ suallerine Mahsus vaziyetlerde habersiz ğayıp olğan şahıslar meseleleri vekâletlisiniñ ofisi, Baş ştab, Mudafaa nazirligi, Ukraina Silâlı quvetleriniñ topraq quvetleri komandanlığı, ReNazirligi ve Milliy haber bürosınıñ vekilleri cevap berdiler.

 

Tedbir devamında şu sualler muzakere etildi:

 

• arbiy hızmetçilerniñ ğayıp oluvınıñ sebeplerini tahqiq etmek ve qorantalarına vaqtında haber etmek;

 

• devletniñ ğayıp olğan ya da esir alınğan şahıslarnı qıdırmaq içün yapqanı esas adımları;

 

• elâk olğan arbiy hızmetçilerniñ cesetlerini belgilemek içün yapılğan tedbirler;

 

• arbiylerniñ ğayıp oluvınıñ taqiqatı aqqında malümat almaq;

 

• yaralanğan ve elâk olğanlarnıñ tahliyesi vaqtında gumanitar qaidelerge riayet etüv ve telükesizlik kefaletleri içün halqara teşkilâtlarnen işbirlik yapmaq, em de Rusiye tarafından tutulğan ukrainler aqqında malümat almaq;

 

• yaralanğan ve elâk olğanlarnı cenk ateşleri olğan yerlerden tahliye etmek içün gumanitar koridorlarnıñ meydanğa ketirüv meseleleri;

 

• qorantalarğa ğayıp olğanlarnı qıdırmaq ve başqa meselelerde yardım etmek içün programmalar.

 

Hatırlatamız ki, Milliy malümat bürosı, İçeri işler nazirligine malümat bermek içün ğayıp olğanlar aqqında malümat toplay.

 

Hususan, bu malümatnı 1648 qısqa nomerasına (çetelden +38 (044) 287-81-65 telefonları içün) ya da Telegram ya da Viber chatbotları vastasınen bildirmek mümkün.

 

Ya da [email protected] elektron poçtasına yazıp, Facebooktaki messencerde ya da sayttaki onlayn formnı toldurıp bildirmek mümkün.